काठमाडौं । नेपाली बजारमा सुनको भाउ पुनः तीन लाख रुपैयाँ नाघेको छ।
आइतबार सुन र चाँदी दुवै धातुको मूल्य बढेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ४ हजार ८ सय रुपैयाँले वृद्धि भएको हो। भाउ बढेसँगै आज सुन तोलाको ३ लाख १ हजार ७ सय रुपैयाँमा कारोबार भइरहेको छ। शुक्रबार सुनको मूल्य प्रतितोला २ लाख ९६ हजार ९ सय रुपैयाँ कायम थियो।
यसअघि गत २०८२ माघ १५ गते सुन प्रतितोला तीन लाख ३९ हजार ३०० र त्यति नै परिमाणको चाँदी सात हजार ५०५ रुपैयाँमा कारोबार भएको थियो ।
यस्तै, चाँदीको मूल्य पनि बढेको छ। शुक्रबार प्रतितोला ४ हजार ५ सय ८० रुपैयाँमा कारोबार भएको चाँदी आज ४ हजार ६ सय ४५ रुपैयाँ पुगेको छ। चाँदीको मूल्य अघिल्लो कारोबार दिनको तुलनामा प्रतितोला ६५ रुपैयाँले बढेको छ।
अन्तर्राष्ट्रिय बजारमा पनि सुनको मूल्य उच्च दरमा कारोबार भइरहेको छ।अन्तर्राष्ट्रिय बजारमा सुन प्रतिऔंस करिब ४ हजार ४ सय डलरको आसपास पुगेर कारोबार भैरहेको छ।















प्रतिक्रिया दिनुहोस्