काठमाडौं । नेपाल लाइफ इन्स्योरेन्स कम्पनी लिमिटेडको संचालक सदस्यको पदमा तीन जना नियुक्त भएका छन् ।
२५औं वार्षिक साधारण सभाको निर्णयानुसार स्थगन रहेको सर्वसाधारण शेयरधनीहरु (समूह ख) को संचालक सदस्य छनोट गर्न शनिबार वीरगंजमा निर्वाचन सम्पन्न भएको हो । उक्त निर्वाचनमार्फत बिमल प्रसाद ढकाल, कृष्णराज लामिछाने र शर्मिला श्रेष्ठ महर्जन संचालक सदस्यको पदमा निर्वाचित भएका हुन् ।
निर्वाचन लगत्तै बसेको कम्पनी संचालक समितिको ३९३औं बैठकमा बीमा ऐन, २०७९ बमोजिम नवनिर्वाचित ३ जना संचालक सदस्यलाई कम्पनीका अध्यक्ष गोविन्द लाल संघाईले पद तथा गोपनियताको सपथ खुवाए । यो सँगै नवनिर्वाचित तीनै जना सदस्यले शनिबार नै पदबहाली गरेका छन् ।
प्रतिक्रिया दिनुहोस्