काठमाडौं । यही चैत १५ गतेको तीनकुने–घटनामा मारिएका पत्रकार सुरेश रजकका परिवारले प्रधानमन्त्री केपी शर्मा ओलीसँग भेट गरेका छन् ।
सोमबार प्रधानमन्त्री निवास, बालुवाटारमा भएको भेटमा ओलीले अराजक समुहले गरेको आगलागीका कारण अकालमा ज्यान गुमाउन पुगेका पत्रकार रजकप्रति भएको दुःखद् घटनाको छानबिन गरी दोषीमाथि कडा कारवाही गरिने परिवारका सदस्यलाई जानकारी दिएको प्रधानमन्त्रीको सचिवालयले जनाएको छ ।
प्रधानमन्त्री ओलीले मृतकको दाहसंस्कार गर्न परिवारजनलाई आग्रह गर्दै सुरेशकी श्रीमती सुजन रजकलाई रोजगारीलगायत आवश्यक पर्ने अन्य व्यवस्थाका लागि सरकारले ध्यान दिने बताए ।
प्रेस चौतारी नेपालका अध्यक्ष गणेश पाण्डेको समन्वयमा भएको भेटमा सुरेशका दार्इहरु रमेश रजक र दिनेश रजकलगायत सहभागी थिए ।
प्रतिक्रिया दिनुहोस्