काठमाडाैं । नेपाल राष्ट्र बैंकले ३ वटा विकास बैंक र २ वटा फाइनान्स कम्पनीलाई कारवाही गरेको छ ।
राष्ट्र बैंकको नीति निर्देशन नमानेको भन्दै चालु आवको तेस्रो त्रैमासमा ५ वटा बैंक तथा वित्तीय संस्थालाई कारवाही गरिएको आज प्रकाशित विवरणमा उल्लेख छ । कारवाहीमा पर्नेहरुमा मुक्तिनाथ विकास बैंक, नारायणी डेभलपमेन्ट बैंक, सालपा विकास बैंक, पोखरा फाइनान्स र जानकी फाइनान्स रहेका छन् ।
मुक्तिनाथ विकास बैंकका सञ्चालक समितिका अध्यक्ष भरतराज ढकाल, नारायणी डेभलपमेन्ट बैंकको सञ्चालक समिति, सालपा विकास बैंकको सञ्चालक समिति, पोखरा फाइनान्स, त्यसका सीईओ रविचन्द्र गुरुङ र जानकी फाइनान्सलाई कारवाही गरिएको राष्ट्र बैंकले उल्लेख गरेको छ ।
प्रतिक्रिया दिनुहोस्