कर्पोरेट समाचार 
काठमाडौं । गत सातादेखि लगातार घट्न थालेको सेयर बजारले सोमबार पनि निरन्तरता पाएको छ । सोमबार सेयर बजार सूचक नेपाल स्टक एक्सचेञ्ज (नेप्से) ९.६२ अंकले घटेर २६१०.७६ विन्दुमा रोकिएको छ ।
अघिल्लो कारोबार दिन आइतबार पनि नेप्से ३.४४ अंकले घटेर २६२०(३९ विन्दुमा बन्द भएको थियो । आज नेप्सेमा कुल ७ अर्ब ६३ करोड रुपैयाँ बराबरको कारोबार भएको छ । अघिल्लो कारोबार दिन नेप्सेमा कुल ८ अर्ब ९५ करोड रुपैयाँ बराबरको कारोबार भएको थियो ।
सोमबार कारोबारमा आएकामध्ये ८६ कम्पनीको सेयर मूल्य बढ्दा १५९ कम्पनीको घट्दा एक कम्पनीको सेयर मूल्य भने स्थिर रह्यो ।
नेपाल माइक्रो इन्स्योरेन्स, सिटिजन्स सुपर म्युचअल फन्ड, ओम मेगाश्रीको सेयर मूल्यमा सकारात्मक सर्किट लाग्दा क्रेष्ट माइक्रो लाइफ इन्स्योरेन्सको सेयर मूल्य ९.९९ प्रतिशतले बढेको छ । आज हिमालयन पावर पार्टनरको सेयर मूल्य ९. ९९ प्रतिशतले घटेको छ ।
आज राधी विद्युत् कम्पनीको मात्रै ७६ करोड रुपैयाँ बराबरको सेयर खरिदबिक्री हुँदा ङादी ग्रुप पावरको ५५ करोड रुपैयाँ बराबरको सेयर कारोबार भएको छ ।
प्रतिक्रिया दिनुहोस्