काठमाडौं । मंगलबार नेपाली बजारमा सुनको मूल्य घट्दा चाँदीको भाउ सामान्य बढेको छ । आज सुन प्रतितोला दुई हजार रुपैयाँले घटेको हो ।
नेपाल सुनचाँदी व्यवसायी महासङ्घका अनुसार मंगलबार छापावाल सुनको मूल्य तोलाको एक लाख ८४ हजार ८ सय रुपैयाँमा कायम छ । अघिल्लो दिन (सोमबार) सोहि परिमाणको सुन एक लाख ८६ हजार ८ सय रुपैयाँमा कारोबार भएको थियो ।
यस्तै, आज चाँदीको मूल्य १० रुपैयाँले बढेको छ । आज चाँदी एक हजार ९७० रुपैयाँमा कारोबार भइरहेको छ । अघिल्लो दिन चाँदी एक हजार ९६० रुपैयाँमा कारोबार भएको थियो ।
प्रतिक्रिया दिनुहोस्