कर्पोरेट समाचार 
काठमाडौं । कास्कीमा एक घण्टाभित्र दुईवटा भूकम्पको धक्का महसुस गरिएको छ । बुधबार बिहान ११ः ५६ बजे कास्कीको फुलिबाङ आसपास ४.४ म्याग्निच्युडको भूकम्प मापन गरिएको राष्ट्रिय भूकम्प मापन तथा अनुसन्धान केन्द्रले जनाएको छ ।
केन्द्रका अनुसार, दोस्रो भूकम्पको धक्का १२ः ५० बजे अन्नपूर्ण आसपास केन्द्रविन्दु भएर ४.१ म्याग्निच्युडको भूकम्प मापन गरिएको छ ।
यसअघि, मंगलबार जाजरकोटको रामीडाँडामा ४.३ म्याग्निच्युडको भूकम्प मापन गरिएको थियो ।
नेपालमा पछिल्लो समय भूकम्प जाने क्रम जारी रहेको छ । नेपाल हिमालय क्षेत्र भएको कारणले भूकम्पको जोखिमको क्षेत्रका रुपमा लिने गरिन्छ ।
प्रतिक्रिया दिनुहोस्