कर्पोरेट समाचार 
काठमाडौं । नेपाल एसबिआई बैंकले रुपन्देहीको श्री राम जानकी आधारभूत विद्यालयका विद्यार्थीको लागि खेलकुद सामग्री प्रदान गरेको छ ।
बैंकले सामाजिक उत्तरदायित्व अन्तर्गत रुपन्देही जिल्लाको लुम्बिनी साँस्कृतिक नगरपालिका, वडा नं – ४, मनौरा स्थित श्री राम जानकी अधारभूत विद्यालयमा अध्ययनरत विद्यार्थीहरुका लागि स्मार्ट बोर्ड तथा खेलकुद सामग्री प्रदान गरेको हो । बैंकका लुम्बिनी प्रदेश प्रमुख शिव दाहालले श्री राम जानकी अधारभूत विद्यालय व्यवस्थापन समितिका अध्यक्ष तथा प्रध्यानाध्यापकलाई एक कार्यक्रमकाबीच उक्त सामग्रीहरु हस्तान्तरण गरेका थिए ।
कार्यक्रममा बैंक तथा स्कुल व्यवस्थापन समितिका पदाधिकारी तथा शिक्षकहरु समेतको उपस्थिति रहेको थियो । बैंकले शिक्षा क्षेत्रमा यस किसिमको कार्यक्रम समय समयमा गर्दै आइरहेको छ ।
नेपाल एसबिआई बैंक विगत ३१ वर्ष देखि बैकिङ सेवा प्रदान गर्दै आईरहेको छ । हाल बैंकका १०० शाखा, २२ एक्स्टेन्सन काउन्टर, १९ शाखा रहीत बैंकिङ, ७ प्रादेशिक कार्यालय, १२५ एटिएम र १ कर्पोरेट कार्यालय सञ्चालनमा छन् ।
प्रतिक्रिया दिनुहोस्