काठमाडाैं । सदनमा विभिन्न राजनीतिक दल र सासंदहरुले आफुँहरूलाई बजेट अपुग छु्ट्याएको भन्दै चर्को आलोचना गरेको बेलामा नेपाल आर्थिक पत्रकार समाज (सेजन)ले संस्थालाई अनुदान स्वरुप छुट्याएको १ करोड रुपैयाँ बजेट अस्वीकार गर्ने बोल्ड निर्णय गरेको छ । मंगलबार बसेको कार्यसमितिको बैठकले उक्त प्रस्तावित बजेटलाई नलिने विज्ञप्ति मार्फत जानकारी दिएको हो ।
सरकारले आगामी आर्थिक वर्ष २०८२-०८३ को बजेटमा सूचना तथा सञ्चार प्रविधि मन्त्रालयमार्फत एक करोड रुपैयाँ संस्थालाई छुट्याएको थियो । सेजनले बजेटका लागि सूचना तथा प्रविधि मन्त्रालयमा बजेट मागका लागि कुनै पनि प्रस्ताव नगरेको, विगतमा पनि यस्ता प्रकारको अनुदान अस्वीकार गरेको र संस्थालाई स्वतन्त्र र आचारसंहिता कायम राख्न यस्तो अनुदान स्वीकार गर्न उपयुक्त नभएको विज्ञप्तिमा मार्फत जानकारी दिएको छ ।
सेजनले जारी गरेको विज्ञप्तिमा भनिएको छ,‘जनताको करबाट प्राप्त स्रोतको अधिकतम उपयोग सुनिश्चित गर्नु सबैको दायित्व हो। निर्माणमूलक पत्रकारिता संस्थागत गर्न बजेट प्रयोग गर्नु हाम्रो पेशागत धर्म र मर्यादाको खिलाफ हुने देखियो ।’
प्रतिक्रिया दिनुहोस्