काठमाडौं। नेपाल राष्ट्र बैंकका गभर्नर प्रा.डा. विश्वनाथ पौडेलले पछिल्लो आर्थिक तथा वित्तीय घटनाक्रमले पारेको असरबारे बैंक तथा वित्तीय संस्थासम्बद्ध एसोसिएसनका प्रतिनिधि र उद्योगी व्यवसायीका प्रतिनिधिहरूसँग छुट्टाछुट्टै छलफल गरेका छन् ।
गभर्नर पौडेलले आज बसेका छलफलमा देशमा घटेको पछिल्लो घटनाक्रमले अर्थतन्त्रलाई ठुलो धक्का पुगेको भन्दै बैंक तथा वित्तीय संस्थाको तरलता अवस्था, ऋण प्रवाह, व्याजदर, लगानी वातावरण लगायतका विषयमा जानकारी लिएका थिए। साथै, निजी क्षेत्रका व्यवसायीहरूले मौद्रिक नीतिको कार्यान्वयन, बजारमा देखिएका चुनौती, लगानीमा देखिएको मन्दी र उत्पादनमूलक क्षेत्रमा आवश्यक सहयोगबारे आफ्ना माग तथा सुझाव राखेका थिए।
राष्ट्र बैंकका अनुसार गभर्नरले छलफलमार्फत सबै सरोकारवालाको धारणा संकलन गरी वित्तीय क्षेत्रको स्थायित्व र अर्थतन्त्रमा देखिएका समस्या समाधान गर्न आवश्यक कदम चाल्ने आश्वासन दिएका छन् ।
प्रतिक्रिया दिनुहोस्