काठमाडौंको करखुसी खोला छेउमा सडक भासियो, जोखिममा बस्ती (हेर्नुहोस् तस्बिरहरु)

काठमाडौं । काठमाडौंं महानगरपालिका–१४ कोहिनुर हाउजिङ नजिकै करखुसी खोलाको छेउमा सडक भासिएको छ ।

विज्ञापन

गए रातिदेखिको निरन्तर वर्षाका कारण आज बिहान ९ बजे सडक भासिएसँगै सडक छेउका घरहरू जोखिममा परेका छन् ।
काठमाडौं महानगरपालिकाका अनुसार सम्भावित जोखिमयुक्त स्थानहरूको अवलोकनमा प्रतिनिधिहरू खटिएका छन् भने थप क्षति रोक्न महानगर प्रहरी बल र विपद् व्यवस्थापन विभागको समन्वयमा बोरा र ग्राभेल प्रयोग गरी नदी कटान रोक्ने प्रयास भइरहेको छ ।

बस्ती डुबानको कारण समस्या उत्पन्न भएमा नजिकैको सुरक्षित विद्यालयमा सार्ने तयारी गरिएको महानगरपालिकाले जानकारी दिएको छ। जोखिमयुक्त बस्तीहरूलाई सतर्क रहन समेत अनुरोध गरेको छ ।
हेर्नुहोस तस्बिरहरु :

तस्बिरहरु : काठमाडौं महानगर