Advertisement
Advertisement
Corporate Samachar
२९ कार्तिक २०८३, आईतवार
Advertisement
Advertisement

राष्ट्रपति पौडेलद्वारा छठीमाताको पूजाअर्चना, विभिन्न जलाशयमा छठको रौनक (तस्बिरहरु)

राष्ट्रपति पौडेलद्वारा छठीमाताको पूजाअर्चना, विभिन्न जलाशयमा छठको रौनक (तस्बिरहरु)
विज्ञापन
Advertisement

काठमाडौं । राष्ट्रपति रामचन्द्र पौडेलले छठपर्वको अवसरमा आइतबार छठीमाताको पूजाअर्चना गरेका छन् ।

विज्ञापन
Advertisement
Advertisement

राष्ट्रपति पौडेलले काठमाडौंको गौरीघाटस्थित गुह्येश्वरीमा निर्माण गरिएको छठ पूजास्थलमा पुगेर अस्ताउँदो सूर्यलाई अर्घ्य अर्पण गरेका हुन् । उनले छठीमाताको विधिपूर्वक पूजाअर्चना गर्दै पर्व मनाएका छन् । राष्ट्रपति पौडेल गुहेश्वरीमा पुग्दा सांसदहरू विष्णुदेवि पुडासैनी र पुकार बम, पशुपति विकास कोषका पदाधिकारी, जनप्रतिनिधि र छठ पूजा आयोजक समितिका पदाधिकारीहरूले स्वागत गरेका थिए ।

छठपर्वको अवसरमा काठमाडौं उपत्यकाका विभिन्न नदी, पोखरी तथा जलाशयमा विशेष पूजास्थल निर्माण गरी भक्तजनले सूर्यदेव र छठीमाताको आराधना गरिरहेका छन् । कमलपोखरी, गुह्येश्वरी, गौरीघाट र ललितपुरको कुपण्डोललगायत क्षेत्रमा छठ पूजाका लागि विशेष तयारी गरिएको छ । ती स्थानमा आइतबार साँझ अस्ताउँदो सूर्यलाई अर्घ्य दिँदै व्रतालु तथा श्रद्धालुहरू पूजाआराधनामा सहभागी भएका छन् ।

छठपर्वको मुख्य विधिअन्तर्गत आइतबार साँझ अस्ताउँदो सूर्यलाई अर्घ्य दिइएको हो। व्रतालुहरू रातभर जाग्राम बसेर सोमबार बिहान उदाउँदो सूर्यलाई अर्घ्य अर्पण गर्नेछन्। बिहानको अर्घ्यसँगै चार दिनसम्म विभिन्न विधि र परम्पराअनुसार मनाइने छठपर्व विधिवत् रूपमा समापन हुनेछ । सूर्यदेव र षष्ठी भगवतीको आराधना गरिने छठपर्वमा परिवारको सुख, शान्ति, समृद्धि तथा सन्तानको दीर्घायु र कल्याणको कामना गरिन्छ । विशेषगरी पुत्र, पति तथा परिवारको आरोग्य र मंगलकामना गर्दै महिला तथा पुरुष दुवैले कठिन व्रत बस्ने परम्परा छ ।

छठको व्रत विधिपूर्वक सम्पन्न गरे मनोकाङ्क्षा पूरा हुने र दुःखकष्टबाट मुक्ति मिल्ने धार्मिक विश्वास रहिआएको छ । छठपर्वले प्रकृति, सूर्य र जलप्रतिको सम्मानसँगै पारिवारिक सुख, सामाजिक सद्भाव र धार्मिक आस्थाको सन्देश दिने पर्वका रूपमा विशेष महत्व राख्दै आएको छ ।

साझा: Facebook X WhatsApp Telegram
कर्पोरेट समाचार

कर्पोरेट समाचार

सबै लेख हेर्नुहोस्
विज्ञापन
Advertisement
Advertisement

Powered By: Nectar Digit