काठमाडौं । मन्जुश्री फाइनान्स लिमिटेड कम्पनीले करिब १९.२ अर्ब रुपैयाँ कर्जा परिचालन गरेको जनाएको छ । फाइनान्सले आफ्नो सहयात्राको अठारौं वर्ष सफलतापुर्वक पार गरेको अवसरमा ग्राहक, शुभेच्छुक, शेयरधनी, नियमनकारी निकाय तथा सम्पूर्ण कर्मचारीहरूप्रति आभार व्यक्त गर्दै हालसम्मको वित्तीय विवरणबारे जानकारी दिएको हो ।
हालसम्म करिब २३ अर्ब निक्षेप संकलन गरेको मन्जुश्री फाइनान्सले करिब १९.२ अर्ब कर्जा परिचालन गरेको जनाएको छ । साथै, मन्जुश्रीले निक्षेपमा आकर्षक ब्याजदर तथा सुलभ दरमा कर्जा प्रवाह समेत गर्दै आइरहेको उल्लेख गरेको छ ।
२७ ओटा शाखाका साथै एउटा विस्तारित काउन्टरबाट ग्राहकहरुलाई उत्कृष्ट बैंकिङ सेवा उपलब्ध गराईरहेको फाइनान्सका १ लाख ५५ हजार भन्दा बढी ग्राहक संख्या रहेका छन् ।
फाइनान्सका अनुसार ग्राहकहरुको अटुट साथ, माया र विश्वासकै कारण कम्पनीले १८ वर्षे यात्रा सफल, सुदृढ र सार्थक बनेको छ । यस्तै, मन्जुश्रीले आउँदा दिनमा पनि ग्राहकको विश्वासलाई कायम राख्न, सेवालाई निरन्तर रुपमा नविनतम बनाउने तथा ग्राहकवर्गको वित्तीय आवश्यकताहरू पूरा गर्न अझ बढी समर्पित रहने प्रतिबद्धता जनाएको छ ।
प्रतिक्रिया दिनुहोस्