काठमाडौं । ‘मोन्था’ चक्रवातले शनिबार बिहानसम्म देशका अधिकांश भागमा वर्षा हुने जल तथा मौसम पूर्वानुमान महाशाखाले बताएको छ ।
कर्णाली र सुदूरपश्चिम प्रदेशमा छिटपुट, अन्य प्रदेशमा मध्यम वर्षा हुने तथा शनिबार बिहानदेखि मात्र मौसम सुधार आउने जल तथा मौसम विज्ञान विभागकी प्रवक्ता विभूति पोखरेलले बताइन् ।
आगामी २४ घण्टा काठमाडौं उपत्यकाका साथै आसपासका सबै क्षेत्रमा वर्षा हुने उनको भनाइ छ । तर, निरन्तर वर्षा भने नहुने उनले जानकारी दिइन् ।
आगामी २४ घण्टामा कोशी, वाग्मती, गण्डकी र कर्णाली प्रदेशका उच्च पहाडी तथा हिमाली भेगमा एक/दुई स्थानमा भारी हिमपातको सम्भावना रहेको प्रवक्ता पोखरेलको भनाइ छ ।
प्रतिक्रिया दिनुहोस्