आनन्द प्रभाकर घिमिरेको नेतृत्वमा यस्तो बन्यो काठमाडौं फोटोग्राफर संघको नयाँ कार्यसमिति

काठमाडौं । काठमाडौं फोटोग्राफर संघको नयाँ नेतृत्वमा आनन्द प्रभाकर घिमिरे चयन भएका छन् ।

विज्ञापन

काठमाडौंमा सम्पन्न सत्रौं वार्षिक साधारण सभा तथा नवौं अधिवेशनबाट नयाँ कार्यसमितिको चयन भएको हो । सम्पन्न अधिवेशनले आनन्द प्रभाकर घिमिरेको नेतृत्वमा नयाँ कार्यसमिति निर्वाचित गरेको छ।

अध्यक्षका लागि तीन जना र सचिवका लागि दुई जनाको उम्मेदवारी परेकाले निर्वाचन मार्फत नयाँ कार्यसमिति बनेको हो । अन्य पदमा भने एकल उम्मेदवारी परेकाले निर्विरोध चयन भएका थिए । आनन्द प्रभाकर घिमिरेअध्यक्ष, हरी ज्ञवाली उपाध्यक्ष, काली प्रसाद रिमाल सचिव, मिलन तमखु सह सचिव र कोषाध्यक्षमा चन्द्र लाल राई गरी ५ जनाको नयाँ कार्यसमिति बनेको छ ।

कार्यसमिति सदस्यहरुमा ११ जना चयन भएका छन् । केशव राज भट्टराई, बासुदेव घिमिरे, विनोद ढकाल,देवराज गुरुङ, रामचन्द्र भट्ट, सुजन तिमल्सिना, रेन्जु मगर, नवराज घिमिरे, ठाकुर प्रसाद अधिकारी, रेशम अधिकारी र विनेश श्रेष्ठ सदस्य छन् ।

काठमाडौं फोटोग्राफर संघको विधान अनुसार नव निर्वाचित कार्यसमितिको कार्यकाल २ वर्षको कायम रहने छ । अध्यक्षमा चयन भएपछि घिमिरेले आफ्नो कार्यकालमा संस्थामा आवद्ध फोटोग्राफरहरुले गर्व गर्न लायक बनाउने गरी काम गर्ने बताए ।