सुर्खेतमा नयाँ फोटोन शोरुम विस्तारसँगै एमएडब्लू वृद्धिको नेटवर्क १५ स्थानमा फैलियो

काठमाडौं । नेपालकै विश्वसनीय अटोमोबाइल ब्रान्ड फोटोनले सुर्खेतमा आफ्नो नयाँ शोरुम विस्तार गरेको छ।

आइतबार एयरपोर्ट रोडस्थित स्वर्णिम बिजनेस कन्सर्न प्रा.लि. द्वारा आयोति एक कार्यक्रमका बीच उक्त शोरुमको उद्घाटन गरिएको हो । सुर्खेतमा नयाँ शोरुम सञ्चालनमा आएसँगै देशभर गुणस्तरीय सवारी साधन र सेवाहरू प्रदान गर्ने फोटोनको यात्रामा महत्वपूर्ण माइलस्टोन थपिएको कम्पनीले जनाएको छ।

शोरुमको औपचारिक उद्घाटन सुर्खेत चेम्बर अफ कमर्शका महासचिव राम प्रसाद जैशी (राजु)ले गरेका थिए ।

शोरुममा फोटोनका सम्पूर्ण मोडेलहरू माउन्टेन ईभी भ्यान, TM1, लाइट ड्युटी ट्रकहरू र भर्साटायल टुनल्याण्ड पिकअप उपलब्ध छन्। यी सवारीहरूले ग्राहकका सस्तो र दिगो शहरी यातायातदेखि लिएर भारी व्यावसायिक ढुवानीसम्मका विविध आवश्यकताहरू पूरा गर्ने कम्पनीले जनाएको छ ।

नेपालमा उच्च गुणस्तरीय व्यावसायिक सवारी र इनोभेटिभ सोलुसन्सका लागि मानक स्थापना गरेको चितवन शोरुमको सफलतासँगै अब सुर्खेत शोरुमले एमएडब्लू वृद्धिको उत्कृष्टता, पहुँच र भरपर्दोपनको प्रतिबद्धतालाई थप सुदृढ बनाउने कम्पनीको विस्वास छ । नयाँ शोरुम विस्तारसँगै फोटोन मोटरको बिक्री नेटवर्क देशभर १५ स्थानसम्म फैलिएको छ, जसले सुर्खेत र आसपासका क्षेत्रका ग्राहकहरूलाई अझ सहज पहुँच र सेवा सुनिश्चित गर्दछ। साथै, फोटोन टोटल केयर सर्भिस नेटवर्क पनि नेपालभर १७ सेवा केन्द्रहरूबाट प्रदान हुँदै आएको छ ।

जसले ग्राहकहरूलाई सुविधासम्पन्न आफ्टर सेल्स सर्भिस, मर्मतसम्भार समाधान र ब्रान्डको भरपर्दोपनको प्रतिवद्धता प्रदान गर्ने कम्पनीले जनाएको छ । ‘हामी फोटोन मोटरलाई सुर्खेतवासीको नजिक ल्याउन पाउँदा उत्साहित छौँ’, एमएडब्लू वृद्धि कमर्सियलका सीइओ तुषार गुप्ताले भने, ‘चितवन शोरुमको सफलतापछि विश्वस्तरीय सवारी, उत्कृष्ट सेवा र इनोभेटिभ मोबिलिटी सोलुसन्स प्रदान गर्ने हाम्रो निरन्तरको प्रतिबद्धतालाई प्रतिनिधित्व गर्छ। हामी हाम्रो सम्पूर्ण भेहिकल सिरिज अन्वेषण गर्न र फोटोनको शक्ति र भरपर्दोपन अनुभवका लागि टेस्ट राइड लिन सबैलाई आमन्त्रण गर्छौं।’

प्रतिक्रिया दिनुहोस्