सुनको मूल्य दुई लाख ५४ हजार नाघ्यो, चाँदीको मोल पनि आकासिँदै

काठमाडौं । साताको चौथो कारोबार दिन बुधबार स्थानीय बजारमा सुनचाँदीको मूल्य उकालो लागेको छ । अन्तर्राष्ट्रिय बजारमा आएको उतारचढावसँगै मूल्यमा भएको क्रमिक वृद्धि र मागमा देखिएको परिवर्तनले आन्तरिक बजारका निरन्तर जसो सुनचाँदीको मूल्य उकालो लाग्न थालेको छ ।

बुधबार प्रतितोला ८ सय रुपैयाँले बढेको सुन दुई लाख ५४ हजार १०० रुपैयाँ कायम भएको छ। त्यति नै परिमाणको चाँदीको ११० रुपैयाँले बढेर तीन हजार ६५५ रुपैयाँ कायम भएको नेपाल सुनचाँदी व्यवसायी महासङ्घले जनाएको छ ।

अघिल्लो कारोबार दिन (मंगलबार) सुनको मूल्य प्रतितोला दुई लाख ५३ हजार ३०० रुपैयाँ निर्धारण भएको थियो भने चाँदी तीन हजार ५४५ रुपैयाँमा किनबेच भएको थियो ।

अन्तर्राष्ट्रिय सञ्चारमाध्यमहरूका अनुसार बुधबार अन्तर्राष्ट्रिय बजारमा एक औँस सुन चार हजार २२६ र त्यति नै परिमाणको चाँदी ५९ अमेरिकी डलर मूल्य तोकिएको छ ।

 

प्रतिक्रिया दिनुहोस्