कर्पोरेट समाचार 
काठमाडौं । नेपाल राष्ट्र बैंकले ७६ जनालाई जागिरका लागि आवेदन खुला गरेको छ । केन्द्रीय बैंकले आज सूचना निकालेर ७६ वटा पदका लागि दरखास्त मागेको हो ।
राष्ट्र बैंकले शुक्रबार (मंसिर १९) देखि खुला प्रतिस्पर्धा मार्फत सहायक निर्देशक अन्तर्गत अर्थशास्त्र, व्यवस्थापन, सामान्य प्रशासन, लेखारलेखापरीक्षण, वाणिज्य कानुन तथा सहायक द्वितीय पदका लागि आवेदन खुलाएको हो ।
सहायक निर्देशक अन्तर्गत अर्थशास्त्रतर्फ एक, सहायक निर्देशक व्यवस्थापनमा एक, सहायक निर्देशक ३९, सहायक निर्देशक लेखा परिक्षणमा १०, सहायक निर्देशक वाणिज्य कानुनमा ४ र सहायक द्वितीय पदका लागि २१ जनाको आवेदन मागिएको छ ।
केन्द्रीय बैंकले आवेदनका लागि साधारण दस्तुरको म्याद पुस १० गते सम्म र दोब्बर दस्तुर तिरेर फारम भर्न पुस १७ गतेसम्मको म्याद तोकेको छ ।
सहायक निर्देशक पदका लागि आवेदन दिन चहनेले सम्बन्धित बिषयमा स्नातकोत्तर तह उत्तीर्ण गरेको हुनु पर्नेछ । यस्तै, सहायक द्वितीय पदका लागि प्रमाणपत्र तह–२ तथा लोक सेवा आयोगको पूर्वयोग्यता परीक्षा उत्तीर्ण गरेको हुनुपर्नेछ।
यस्तो छ केन्द्रीय बैंकको सूचना
प्रतिक्रिया दिनुहोस्