काठमाडौं । ग्लोकल आफ्टर स्कूलले सीप विकास, सिर्जनशीलता र युवा सशक्तीकरणलाई प्रवर्द्धन गर्ने उद्देश्यसहित साताव्यापी कार्यक्रम ‘स्किल वीक २०२६’ को घोषणा गरेको छ। कार्यक्रम आगामी जनवरी ११ देखि १९, २०२६ सम्म आयोजना हुनेछ।
कार्यक्रमअन्तर्गत नेतृत्व, प्रविधि, सञ्चार, सिर्जनशीलता र उद्यमशीलतासम्बन्धी कार्यशाला, प्रतियोगिता तथा अन्तर्क्रियात्मक सत्रहरू सञ्चालन गरिनेछन्। जनवरी १६ मा ‘फेस्ट डे’ आयोजना गरिनेछ, जहाँ सीप प्रदर्शनी, सांगीतिक प्रस्तुति र युवा प्रतिभा प्रदर्शन हुनेछन्। जनवरी १९ मा समापन समारोह सहित ‘स्किल हिरो अवार्ड्स’ प्रदान गरिनेछ।
ग्लोकल आफ्ट स्कूलका अध्यक्ष आशिष ठाकुरका अनुसार स्किल वीक परम्परागत शिक्षा र व्यवहारिक सीपबीचको दूरी घटाउने अभियान हो। यस वर्षको कार्यक्रम एम्बार्क कलेजद्वारा सञ्चालन हुँदैछ भने भारतीय दूतावास, युरोपेली संघ र अष्ट्रेलियाली सरकार रणनीतिक साझेदार रहेका छन्।
प्रतिक्रिया दिनुहोस्