काठमाडाैं । साताको मंगलबार शेयर बजारमा सामान्य बढेको छ । नेप्से परिसूचक ४.९० अंकले बढेर २ हजार ६३९.९१ विन्दुमा आइपुगेको हो । यो दिन नेप्से सूचक सामान्य अंकले बढ्दा करिब सात अर्ब माथिको कारोबार भएको छ ।
जसमा १ करोड ३६ लाख २४ हजार कित्ता शेयर किनबेचहुँदा सो कारोबार भएको हो । सर्वाधिक कारोबार हुने कम्पनीमा राधि विद्युत कम्पनी, एसवाई प्यानेल नेपाल, बुटवल पावर कमपनी, श्रीनगर एग्रिटिच इन्ड्रटिज, दोर्दी खोला जलविद्युत कम्पनीको शेयर मूल्य २५ करोड ८२ लाख रुपैयाँदेखि ५४ करोड ६५ लाख रुपैयाँसम्मको कारोबार भएको थियो।
श्री स्टार हाइड्रो पावर, दोर्दी खोला जलविद्युत कम्पनी, सुपर मादी हाइड्रो पावर लिमिटेडको शेयर मूल्य ९.९७ प्रतिशतदेखि १० प्रतिशतसम्मले बढेको छ ।
सामान्य बढेको बजारमा रसुवागढी हाइड्रो पावर कम्पनी, नारायणी डेभलपमेन्ट बैंक, वेन नेपाल लघुवित्त वित्तीय संस्था, बुङगल हाइड्रो, बन्दीपुर केबलकार एण्ड टुरिजमको शेयर मूल्य ३.५९ प्रतिशतदेखि ६ प्रतिशतसम्मले घटेको छ।
प्रतिक्रिया दिनुहोस्