कर्पोरेट समाचार 
काठमाडौं । प्रधानमन्त्री सुशीला कार्कीले हिमाली जिल्लामा मौसम अनुकूल नभएमा दोस्रो चरणमा निर्वाचन गराउने स्पष्ट गरेकी छन् ।
कार्यक्रमका दौरान मंगलबार नवलपरासी बर्दघाट सुस्तापूर्व पुगेकी प्रधानमन्त्री कार्कीले मौसमका कारण निर्वाचन हुनै नसक्ने अवस्था आए हिमाली जिल्लामा सरकारले दोस्रो चरणमा चुनाव गराउने बताएकी हुन् । प्रधानमन्त्री कार्कीले भनिन्, ‘विषेशगरी हिमाली जिल्लामा मौसम अनुकूल नभएमा दोस्रो चरणमा निर्वाचन गराउँछौ ।’
कम मतदाता भएका स्थानमा सवारीसाधनको प्रयोग गरेर मतदाता ओसारेरै भए पनि निर्वाचन सम्पन्न गराइने उनको भनाइ छ । यस्तै, प्रधानमन्त्री कार्कीले अहिलेसम्म कुनै पनि कारणले निर्वाचन सार्ने विषयले प्रवेश नै नपाएको दाबी गर्दै ढुक्कका साथ आगामी फागुन २१ गतेको चुनावमा भाग लिन सबैलाई आग्रह गरिन् ।
विशेष परिस्थितमा हुन लागेको निर्वाचन भएकाले केही चुनौती आइपरे पनि समाधान गरेर निर्वाचन गराइने प्रधानमन्त्री कार्कीले बताइन् ।
प्रतिक्रिया दिनुहोस्