काठमाडाैं ।चालु आर्थिक वर्षको पहिलो नौ महिनामा सिद्धार्थ बैंकले आफ्नो नाफा बढाएको छ । मंगलबार बैंकले जारी गरेको तेस्रो त्रैमासको अपरिस्कृत वित्तीय विवरणअनुसार बैंकको कुल नाफामा २०.७८ प्रतिशतले नाफा वृद्धि भएको हो ।
अघिल्लो आर्थिक वर्षक यही समयमा १ अर्ब ६६ करोड ८२ लाख रुपैयाँ खुद नाफा कमाएको बैंकले चालु आर्थिक वर्षको पहिलो ९ महिनासम्ममा बैंकले २ अर्ब १ करोड ४८ लाख रुपैयाँ खुद नाफा कमाएको छ ।
यो अवधिमा बैंकको खुद ब्याज आम्दानी सामान्य मात्रामा बढेको छ भने इम्पेरमेन्ट चार्ज घटेको छ । जसले गर्दा बैंकको खुद नाफा बढ्न गएको हो । अघिल्लो चैतसम्म छ अर्ब ३३ करोड ६२ लाख रुपियाँ रहेको बैंकको खुद ब्याज आम्दानी यो चैतमा भने छ अर्क ५२ करोड ८८ लाख रुपियाँ पुगेको छ ।
समीक्षा अवधिमा बैंकको खुद ब्याज आम्दानी ३.०४ प्रतिशत र खुद फि तथा कमिशन आम्दानी १७.४५ प्रतिशत बढेको छ। त्यस्तै, बैंकको कुल सञ्चालन आम्दानी समीक्षा अवधिमा ८.२५ प्रतिशत बढेको छ भने सञ्चालन मुनाफा २३.४५ प्रतिशत बढेको छ।
प्रतिक्रिया दिनुहोस्