कर्पोरेट समाचार 
काठमाडाैं । शेयर बजार घट्ने क्रम आज पनि जारी रह्यो । अघिल्लो दिन २६ अंकले घटेको बजार यो दिन आइपुग्दा पुन : २५.८१ अंकले घट्दा दुई हजार ७४४.४५ विन्दुमा पुगेको हो । बजार निरन्तर घट्दा लगानीकर्ता प्यानिक बन्न थालेका छन् ।
बजारसँगै कारोबार रकम पनि घट्न पुगेको छ । यो दिन धितोपत्र र ऋणपत्रगरी कारोबारमा आएका ३५१ कम्पनीको १ करोड २१ लाख कित्ता शेयर किनबेचहुँदा चार अर्ब ९८ करोड रुपैयाँको कारोबार भएको छ ।
सर्वाधिक कारोबार हुने कम्पनीमा रिलायन्स स्पेनिङ मिल्स,पाल्प सिमेन्ट इष्ड्रटिज,कर्पोरेट डेभलपमेन्ट बैंक, सोलु हाइड्रो लिमिटेडको १७ करोड ७९ लाख रुपैयाँको कारोबार भएको छ ।
घटेको बजारमा पनि कर्पोरेट डेभलपमेन्ट बैंक,नेपाल लाइफ समृद्धि लगानी योजना, १२ प्रतिशत आइसीएफसी फाइनान्सको ऋणपत्र २.९५ प्रतिशतदेखि १३.८१ प्रतिशतसम्मले बढेको छ ।
कुमारी बैंकको ऋणपत्र,शिखर पावर डेभलपमेन्ट,पाल्पा सिमेन्ट इष्ड्रटिज,त्रिशुली जलविद्युत कम्पनीको ६.९८ प्रतिशतले घटेको छ ।
यो दिन कारोबारमा आएका १३ समूहको सूचकमध्ये तीन उपसमूहको सूचकमा हरियाली रहँदा अन्य १० उपसमूहको सूचकमा भारी गिरावट आएको छ ।
प्रतिक्रिया दिनुहोस्