कर्पोरेट समाचार 
तुलसीपुर (दाङ)। राप्ती प्रादेशिक अस्पतालको करिब डेढ बिघा जग्गा अतिक्रमणमा परेको प्रारम्भिक नापजाँच प्रतिवेदनले देखाएको छ । जिल्ला प्रशासन कार्यालयको प्राविधिक टोलीले सोमबार गरेको नापजाँचपछि अस्पतालको सार्वजनिक जग्गामा ५० भन्दा बढी घर निर्माण भएको पाइएको हो ।
अस्पताल विकास समितिका अध्यक्ष महेन्द्र लामिछानेका अनुसार सबैभन्दा बढी अतिक्रमण उत्तरतर्फ भएको छ भने पश्चिमतर्फ रानीजरुवा क्षेत्र तथा पूर्वतर्फ पक्की घरहरू निर्माण गरिएको भेटिएको छ ।
अध्यक्ष लामिछानेले अस्पतालको जग्गा अतिक्रमणमा पर्दा अस्पतालका भौतिक संरचना विस्तारमा समस्या भइरहेको बताए । उनले विस्तृत प्रतिवेदन प्राप्त भएपछि अतिक्रमित जग्गा खाली गराउने प्रक्रिया अघि बढाइने जानकारी दिए ।
अतिक्रमित क्षेत्रको दाङका प्रमुख जिल्ला अधिकारी विश्वप्रकाश अर्यालसहितको टोलीले पनि अनुगमन गरेको थियो । प्राविधिक टोलीले विस्तृत अध्ययन गरिरहेकाले अन्तिम प्रतिवेदनपछि थप प्रक्रिया अघि बढाइने जनाइएको छ ।
प्रतिक्रिया दिनुहोस्