काठमाडाैं ।सरकारले आगामी आर्थिक वर्ष २०८३|०८४ को बजेट संघीय संसदको दुवै सदनमा आज प्रस्तुत हुँदै छ । अर्थमन्त्री डा. स्वर्णिम वाग्लेले आज ४ बजे आफ्नो पहिलो बजेट प्रस्तुत गर्न लागेका हुन् । बजेटका सम्पूर्ण तयारी पूरा भई आज दिउँसो मन्त्रीपरिषद् बैठक बसेर बजेट पारित गर्ने तयारी रहेको छ । अर्थमन्त्री वाग्लले यो पटक ठुलो आकारको बजेट ल्याउन लागेका छन् ।
खुला र उदार अर्थतन्त्रको वकालत गर्ने वाग्लेले विभिन्न कर प्रणालीमा ब्यापक फेरबदल ल्याउने तयारीमा रहेका छन् ।
अन्तशूल्क, मूल्य अभिवृद्धि जस्ता करमा ब्यापक फेरबदल ल्याउने तयारी रहेको छ । त्यस्तै उनले कर्मचारीको तलब बढाउने छन् भने सामाजिक सुरक्षा भत्ता बढ्ने सम्भावना न्युन रहेको मन्त्रालय स्रोतका दाबी छ । आगामी आर्थिक वर्षको बजेटको मुख्य बुँदा र कार्यान्वयन भने सरकारले सार्वजनिक गरेको एक सयबुँदे कार्यसूची र राष्ट्रिय स्वतन्त्र पार्टी (रास्वपा)को बाचापत्रमा टेकेर बजेट विनियोजनहुने र त्यसलाई कार्यान्वयनमा लैजाने तयारी रहेको छ ।
त्यस्तै प्रधानमन्त्री बालेन शाहले चुनावको समयमा विभिन्न प्रदेशहरुमा पर्यटनको सम्भवना र उजागरलाई केन्द्रित गरेर पनि बजेट ल्याउने तयारी भइरहेको अर्थमन्त्रालयको दाबी रहेको छ ।
प्रतिक्रिया दिनुहोस्