काठमाडौं । नेपाली बजारमा आज सुनको मूल्य बढ्दा चाँदीको भाउ घटेको छ। साताको अन्तिम कारोबार दिन शुक्रबार बढेको सुनको भाउमा आज पनि बढोत्तरी देखिएको छ।
नेपाल सुनचाँदी व्यवसायी महासंघका अनुसार आज सुन तोलाको दुई लाख ८८ हजार रुपैयाँ कायम भएको छ। शुक्रबार सुन प्रतितोला दुई लाख ८७ हजार चार सय रूपैयाँमा खरिदबिक्री भएको थियो । अघिल्लो कारोबार दिनको तुलनमा आज सुन प्रतितोला ६०० रुपैयाँले महँगिएको हो ।
बिहीबार तोलामा १४ सय रूपैयाँ घटेको सुनको भाउ शुक्रबार प्रतितोला दुई हजार सात सय रूपैयाँ बढेको थियो । त्यसअघि बिहीबार एक तोला सुन दुई लाख ८४ हजार सात सय रूपैयाँमा कारोबार भएको थियो।
यस्तै, शुक्रबार बढेर कारोबार भएको चाँदीको मोल आइतबार घटेको छ। महासँघका अनुसार, आज एक तोला चाँदी खरिद गर्न उपभोक्ताले चार हजार ४७५ रुपैयाँ खर्चिनुपर्नेछ । शुक्रबार चाँदी प्रतितोला चार हजार पाँच सय १० रूपैयाँमा कारोबार भएको थियो। यो सँगै आइतबार चाँदी तोलामा ३५ रुपैयाँले सस्तिएको छ।
अन्तर्राष्ट्रिय बजारमा आज एक औँस सुन चार हजार १४५ र चाँदी ६० अमेरिकी डलरमा कारोबार भइरहेको छ ।
प्रतिक्रिया दिनुहोस्