काठमाडौं । मुक्तिनाथ विकास बैंक लिमिटेडले केजीएच ग्रुप अफ होटल एण्ड रिसोर्टसँग व्यावसायिक सम्झौता गरेको छ।
आफ्ना ग्राहकलाई थप सेवा तथा सुविधा उपलब्ध गराउने उद्देश्यले भएको सम्झौताअनुसार बैंकका ग्राहकले काठमाडौंस्थित माया मनोर बुटिक होटल तथा पोखरास्थित वाटरफ्रन्ट रिसोर्ट र हिमालयन फ्रन्ट रिसोर्टका विभिन्न सेवामा १० देखि ३० प्रतिशतसम्म विशेष छुट प्राप्त गर्नेछन्। त्यस्तै, १० जनाभन्दा बढीको समूहमा बुकिङ गर्दा एक जनाका लागि बस्ने सुविधा निःशुल्क उपलब्ध गराइने बैंकले जनाएको छ।
छुट तथा सुविधा लिन ग्राहकले बैंकको मान्य डेबिट कार्ड वा प्रिभिलेज कार्ड प्रस्तुत गर्नुपर्नेछ। साथै, मुक्तिनाथ विकास बैंकको मोबाइल बैंकिङमार्फत भुक्तानी गर्दा पनि उक्त सुविधा प्राप्त गर्न सकिनेछ। बैंकका प्रमुख सूचना अधिकारी तिल बहादुर गुरुङ्गका अनुसार ग्राहकलाई थप वित्तीय तथा अन्य सेवा उपलब्ध गराउने उद्देश्यअन्तर्गत आधारदरमा शून्य प्रतिशत प्रिमियममा लगानी गर्न सकिने कर्जा सुविधा समेत सञ्चालनमा ल्याइएको छ।
प्रतिक्रिया दिनुहोस्