काठमाडौँ । फागनुमा अधिकांश वाणिज्य बैंकहरूले ब्याजदर स्थिर राखेका छन् । फागुन १ गतेदेखि लागू हुने गरी सार्वजनिक गरिएको ब्याजदरमा अधिकांश बैंकको मुद्दती निक्षेपतर्फ ब्याजदर स्थिर छ ।
बैंकहरूको फागुनमा ब्याजदर संस्थागततर्फ औसत ०.०१ प्रतिशत घटेर औसत ४.४९ प्रतिशतमा झरेको छ । माघमा मुद्दती निक्षेपमा संस्थागततर्फ औसत ब्याजदर ४.५० प्रतिशत कायम छ ।
यस्तै, फागुनमा मुद्दती निक्षेपको व्यक्तिगततर्फ बैंकहरूको औसत ब्याजदर ६ प्रतिशत नै कायम गरेको छ । माघ महिनाका लागि पनि सोही ब्याजदर कायम छ।
२० वाणिज्य बैंकहरूमध्ये अधिकांश (१८) वटा वाणिज्य बैंकले माघ महिनाकै ब्याजदरलाई फागुनमा निरन्तरता दिएका छन् । लक्ष्मी सनराइज बैंकले व्यक्तिगततर्फ ०.२५ प्रतिशत घटेर ५.५ प्रतिशत निर्धारण गर्दा ग्लोबल आइएमई बैंकले ०.२५ प्रतिशत ब्याजदर बढाएर ६ प्रतिशत पुर्याएको छ ।
फागुनमा कृषि विकास बैंकले ५.५१ प्रतिशत, एभरेष्ट बैंकले ६ प्रतिशत, नेपाल बैंकले ५.६ प्रतिशत, कुमारी बैंकले ५.९१ प्रतिशत, नेपाल एसबीआई बैंकले ५.५ प्रतिशत, लक्ष्मी सनराइज बैंकले ५.७५ प्रतिशत ब्याजदर तोकेको छ ।
यस्तै, प्राइम बैंकले ६.२५ प्रतिशत, सिटिजन्स बैंकले ६.६५ प्रतिशत प्रभु बैंकले ६.१ प्रतिशत, माछापुच्छ्रे बैंकले ६ प्रतिशत, एनएमबि बैंकले ६.६ प्रतिशत, स्ट्याण्डर्ड चार्टर्ड बैंकले ६.२५ प्रतिशत, हिमालयन बैंकले ६२५ प्रतिशत ब्याजदर कायम गरेको छ । नेपाल इन्भेष्टमेन्ट मेगा बैंकले ६.५ प्रतिशत, सद्धार्थ बैंकले ६ प्रतिशत ब्याजदर निर्धारण गर्दा एनआइसी एशिया बैंकले ६.६ प्रतिशत, नबिल बैंकले ५.७५ प्रतिशत, सानिमा बैंकले ६.०५ प्रतिशत र राष्ट्रिय वाणिज्य बैंकले ६ प्रतिशत ब्याजदर उपलब्ध गराउने तय गरेको छ ।
प्रतिक्रिया दिनुहोस्