काठमाडौं । बीवाईडी अटो इन्डष्ट्रीको नेपालका लागि आधिकारिक वितरक साइमेक्स इंकले चीनको सेन्झेनमा सम्पन्न ‘बीवाईडी एसिया प्यासिफिक २०२५ डिलर कन्फ्रेन्स’ मा प्रतिष्ठित विभिन्न चार अवार्ड विधामा सम्मानित भएको छ । ।
‘कनेक्टेड, इन्स्पायर्ड, युनाइटेड’ थिममा आयोजित सो इभेन्टमा एसिया प्यासिफिक क्षेत्रमा उत्कृष्ट कार्य गरेका पार्टनरहरूलाई उनीहरूले पुर्याएको योगदानको कदर गर्दै सम्मानित गरिएको थियो ।
नेपालमा दिगो मोबिलिटीलाई अगाडि बढाउन नेतृत्व लिए वापत साइमेक्स इंक अल ब्रान्ड टप सेल्स अवार्ड, एसिया प्यासिफिक आउटस्ट्यान्डिङ स्ट्राटेजिक पार्टनर अवार्ड, २०२४ एक्सिलेन्ट पार्टनर अवार्ड र टप २० स्टोर अवार्डद्धारा सम्मानित भएको हो ।
यसैगरी, लुज महर्जन, निराजन खनाल र सनम शेखले टप सेल्स अवार्ड प्राप्त गरेको कम्पनीले जनाएको छ ।
विभिन्न विधामा प्राप्त अवार्डले ईभी क्रान्तिमा नेतृत्व लिइरहेको साइमेक्स इंक प्रालिलाई ग्राहकप्रति अझ जिम्मेवार बनाएको अध्यक्ष अनिल श्रेष्ठले बताएका छन् ।
श्रेष्ठले भने, ‘यी प्रतिष्ठित पुरस्कार नेपालमा भएका हाम्रो टिम र डिलर पार्टनरको समर्पण र कडा परिश्रमका प्रतीक हुन् । ईभी क्रान्तिमा हामीले नेतृत्व लिइरहेको अवस्थामा, आगामी दिनमा समेत हाम्रा ग्राहकलाई नवप्रवर्तन र दिगो मोबिलिटी समाधान उपलब्ध गराउने कार्यमा हामी प्रतिबद्ध छौ ।’,
नेपालमा बीवाईडीलाई सफल बनाउनका लागि महत्त्वपूर्ण भूमिका खेल्ने डिलर नेटवर्कको उपलब्धिमा समेत साइमेक्स इंक सहभागी बनेको भनाइ श्रेष्ठको छ ।
उक्त कन्फ्रेन्समा बीवाईडीको दाङका लागि आधिकारिक डिलर टिम एलेभेन ईभी वर्ल्ड प्रालि.ले २०२४ आउटस्ट्यान्डिङ मार्केटिङ डिलर अवार्ड पाउँदा चितवनको डिलर युरो अटो ग्रिन प्रालि. ले २०२४ एक्सिलेन्ट पार्टनर अवार्ड र वीरगन्जको डिलर निरज अटोमोबाइल्स प्रालि. ले २०२४ बेस्ट सेल्स ग्रोथ डिलर अवार्ड प्राप्त गरेको हो ।
प्रतिक्रिया दिनुहोस्