काठमाडौं । स्थानीय बजारमा तिहारपछिको पहिलो कारोबार दिन सुनचाँदीको मूल्यमा ठूलो गिरावट आएको छ। शुक्रबार सुनको मूल्य एकैदिन प्रतितोला १२ हजार ६०० रुपैयाँले घटेको हो।
नेपाल सुनचाँदी व्यवसायी महासङ्घका अनुसार शुक्रबार छापावाल सुनको मूल्य प्रतितोला दुई लाख ७१ हजार ७०० रुपैयाँ कायम भएको छ। यसअघि कात्तिक २३ गते सुन प्रतितोला दुई लाख ८४ हजार ३०० रुपैयाँमा किनबेच भएको थियो।
यसरी अघिल्लो कारोबारको तुलनामा सुनको मूल्य एकैदिन प्रतितोला १२ हजार ६०० रुपैयाँले घटेको हो। तिहारअघि निरन्तर बढ्दो क्रममा रहेको सुनको मूल्य तिहारपछिको पहिलो कारोबारमै उल्लेख्य रूपमा ओरालो लागेको छ।
यस्तै, चाँदीको मूल्यमा पनि गिरावट आएको छ। महासङ्घका अनुसार शुक्रबार चाँदी प्रतितोला तीन हजार ७०० रुपैयाँमा कारोबार भइरहेको छ। यसअघि चाँदीको मूल्य प्रतितोला तीन हजार ८५५ रुपैयाँ कायम थियो। यसअनुसार चाँदीको मूल्य पनि एकैदिन प्रतितोला १५५ रुपैयाँले घटेको छ।
प्रतिक्रिया दिनुहोस्