काठमाडौं । सानिमा रिलायन्स लाईफ इन्स्योरेन्सले काठमाडौंको मैत्री सेवा आश्रममा खाधान्न सामग्री वितरण गरेको छ ।
संस्थागत सामाजिक उत्तरदायित्व अन्तर्गत कम्पनीको तर्फबाट क्षेत्रीय प्रबन्धक नरेश थापा र शाखा प्रबन्धक रोजिना मानन्धरले खाधान्न सामग्री उक्त आश्रमलाई बुधबार हस्तान्तरण गरेको इन्स्योरेन्सले जनाएको छ । हाल यस आश्रममा ३० जना आश्रित आमा–बुबाहरुले सेवा लिँदै आएका छन् ।
कम्पनीले आगामी दिनमा समेत विभिन्न गतिविधि मार्फत सक्रिय रुपमा समाजप्रतिको उत्तरदायित्वलाई आत्मसात गरी शिक्षा, स्वास्थ्य, वातावरण संरक्षण, वित्तीय साक्षरता र विपद् व्यवस्थापन जस्ता क्षेत्रहरूमा योगदान पुर्याउने योजना रहेको बताएको छ ।
यी प्रयासहरूले संस्थाले नाफामुखी व्यापारसँगै सामाजिक हितलाई पनि अगाडि बढाउने विश्वास लिएको इन्स्योरेन्सले जनाएको छ । भविष्यमा सामाजिक उत्तरदायित्वका कार्यक्रमहरू अझ प्रभावकारी र समुदायमैत्री बनाउने योजना कम्पनीले बनाएको जारी विज्ञप्तिमा उल्लेख छ ।
देशभर १६९ शाखा सञ्जाल रहेको कम्पनिको पुँजी ५ अर्बभन्दा बढी रहेको छ ।
प्रतिक्रिया दिनुहोस्