काठमाडौं। नेपाल फोटोन नेपालले देशभरका सबै आधिकारिक सर्भिस सेन्टरहरूमा आफ्नो वृहत मेगा मनसुन सर्भिस क्याम्प सुरु गरेको छ। फोटोन सवारी धनीलाई वर्षायाममा सवारीको सर्भिसलाई तयारी राख्न सहयोग पुर्याई सुरक्षा र उत्कृष्ट प्रदर्शन सुनिश्चित गर्नु क्याम्पको उद्देश्य रहेको कम्पनीले जनाएको छ ।
कार्यक्रमले पिकअप ट्रक, इलेक्ट्रिक भ्यान, मिनी ट्रकदेखि लिएर हेभी कमर्सियल गाडीसम्मका सबै फोटोन सवारी साधनलाई सेवा प्रदान गर्नेछ । हभागीहरूले क्याम्प अवधिभर स्पेयर पार्ट्स, सर्भिस चार्ज र लुब्रिकेन्टमा १५५ सम्म छुट पाउँनेछन् । प्याकेजमा निःशुल्क सवारी वाश र ग्रीजिङ सेवा समेत समावेश छ, जुन वर्षायामको हिलो सडकमा विशेष लाभदायक हुने कम्पनीको विस्वास छ।
साथै, ग्राहकहरूका लागि निःशुल्क आँखाको स्वास्थ्य परीक्षण पनि क्याम्पमा उपलब्ध छ । फोटोन टोटल केयरका दक्ष प्राविधिकहरूले प्रत्येक सर्भिस स्टेसनमा निःशुल्क सवारी परीक्षण गर्ने सक्नेछन्। क्याम्पमा सवारीका पावरट्रेन, इलेक्ट्रिकल कम्पोनेन्ट, चेसिस र संरचनात्मक भागसहितका सबै महत्वपूर्ण प्रणालीको जाँच हुने छ ।
मेगा मनसुन सर्भिस क्याम्प दुई महिनासम्म नेपालभरका आधिकारिक सर्भिस नेटवर्कमा सञ्चालन हुने फोटोनले जनाएको छ । एमएडब्लू वृद्धि नेपालमा फोटोनको आधिकारिक वितरक हो ।
प्रतिक्रिया दिनुहोस्