मोरङ । अर्थमन्त्री रामेश्वर खनालले नोटबन्दी गर्नेबारे भैरहेको चर्चामा सरकारले यसबारे छलफल समेत नगरेको स्पष्ट पारेका छन् ।
बुधबार विराटनगर बिमानस्थलमा सञ्चारकर्मीसँग कुरा गर्दै मन्त्री खनालले नोटबन्दी गर्ने विषयमा कुनै छलफल नै नभएको जानकारी दिए । उनले अहिलेको अवस्थामा एक हजार र ५०० रुपैयाँको नोट प्रतिबन्ध लगाउने विषयमा कुनै छलफल नभएको प्रस्ट पारे ।
भारत सरकारले लगाएको एकीकृत कर ‘गुड्स सेल्स ट्याक्स’घटाएको सम्बन्धमा अध्ययन भइरहेको तथा उद्योग व्यवसाय एवं औद्योगिक प्रतिष्ठानमा क्षति पुग्ने अवस्था भए सुधार गरिने उनको भनाइ छ ।
यस्तै सङ्घीय मामिला तथा सामान्य प्रशासन मन्त्रालयको समेत जिम्मेवारी सम्हालेका अर्थमन्त्री खनालले वर्तमान सरकार संविधानअनुसार सञ्चालन भएकाले प्रदेश खारेज गर्नेसम्बन्धी कुनै सोच नरहेको बताए ।
प्रतिक्रिया दिनुहोस्