काठमाडौं । आइतबार सुनको मूल्य एकैदिन ७४ सय रुपैयाँले बढेर हालसम्मकै उच्च मूल्यको रेकर्ड बनाएको छ ।
आज स्थानीय बजारमा सुन प्रतितोला २ लाख ३० हजार ६०० रुपैयाँ पुगेको छ । नेपाल सुनचाँदी व्यवसायी महासंघका अनुसार अघिल्लो कारोबारको तुलनामा यो मूल्य प्रतितोला ७ हजार ४०० रुपैयाँले बढी हो ।
यसअघि दशैं बिदा सुरु हुनुपूर्व असोज १२ गते भएको कारोबारमा प्रतितोला २ लाख २३ हजार २०० रुपैयाँमा कायम भएको सुनको मूल्य आज यसअघिका सबै रेकर्ड तोड्दै हाल सम्मकै महंगो भएको हो ।
आज चाँदीको भाउ प्रतितोला २ हजार ९३० रुपैयाँ पुगेको छ । यसअघिको कारोबारमा चाँदी प्रतितोला २ हजार ८१० रुपैयाँमा कारोबार भएको थियो ।
प्रतिक्रिया दिनुहोस्