काठमाडौं। असुलीमा समस्या बढेपछि बैंक तथा वित्तीय संस्थाहरूले विपन्न वर्गमा प्रवाह गर्ने कर्जाको आकार घटाएका छन्।
नेपाल राष्ट्र बैंकका अनुसार २०८१ असारमा ३ खर्ब ६५ अर्ब रुपैयाँ रहेको विपन्न वर्ग कर्जा एक वर्षमा (२०८२ असारमा) १८.८८ प्रतिशतले घटेर २ खर्ब ९६ अर्ब ९ करोड रुपैयाँमा झरेको छ । जबकि समग्र कर्जा प्रवाह ८.१७ प्रतिशतले बढेको छ।
यो अवधिमा सबै प्रदेशमा विपन्न वर्ग कर्जा घटेको केन्द्रीय बैंकले जनाएको छ । विपन्न वर्गलाई गरिने कर्जा प्रवाहमा मधेश प्रदेशमा झण्डै ४० प्रतिशत गिरावट आएको छ। राष्ट्र बैंकको कडाइ, लघुवित्त कर्जामा सीमा र ऋण नतिर्ने आन्दोलनका कारण असुली कमजोर भएपछि बैंकहरूले तल्लो तहका नागरिकलाई कर्जा दिन हिच्किचाएका छन् । यद्यपि, हालै लघुवित्त कर्जाको सीमा बढाइएकाले आगामी दिनमा कर्जा विस्तार हुने अपेक्षा भने गरिएको छ ।
प्रतिक्रिया दिनुहोस्