कर्पोरेट समाचार 
काठमाडौं ।फोटोन मोटर्स नेपालले सुदूरपश्चिम क्षेत्रका ग्राहकसँग प्रत्यक्ष संवादलाई प्राथमिकता दिँदै धनगढीमा ग्राहक भेटघाट कार्यक्रम आयोजना गरेको छ। “Strengthening Customer Trust Through Direct Engagement” भन्ने मूल नारासहित आयोजित कार्यक्रममा ब्रान्ड प्रतिनिधि र ग्राहकहरूलाई एउटै मञ्चमा ल्याएर दीर्घकालीन सम्बन्ध सुदृढ गर्ने लक्ष्य राखिएको कम्पनीले जनाएको छ।
कार्यक्रममा प्रत्यक्ष अन्तरक्रियामार्फत फोटोन सवारीसाधनको ‘कस्टमर फर्स्ट’ दृष्टिकोणलाई थप मजबुत बनाउने, ग्राहक अनुभव बुझ्ने, सुझाव तथा प्रतिक्रिया संकलन गर्ने र पश्चिम नेपालका ग्राहकसँगको सम्बन्ध विस्तार गर्ने विषयमा विशेष जोड दिइएको थियो। सहभागी ग्राहकहरूले गाडीको प्रदर्शन, सर्भिस सपोर्ट र दैनिक सञ्चालनसम्बन्धी आफ्ना अनुभवहरू साझा गरेका थिए भने भविष्यमा ब्रान्डबाट अपेक्षा गरिएका सेवाबारे पनि छलफल गरेका थिए।
भेटघाटको मुख्य आकर्षणका रूपमा टुनल्यान्ड G7, माउन्टेन ईभी, लो रूफ भ्यान तथा सोकोन ईभी भ्यानलगायतका सवारीसाधन प्रदर्शन गरिएको थियो। उक्त प्रदर्शनीमार्फत ग्राहकहरूले फोटोनका व्यावसायिक तथा विद्युतीय सवारीसाधन नजिकबाट अवलोकन गर्दै नेपालमा बदलिँदो मोबिलिटी आवश्यकतासँग मेल खाने प्रविधिबारे जानकारी लिने अवसर पाएका थिए।
कार्यक्रमका क्रममा कम्पनीले दीर्घकालीन विश्वास निर्माणमा प्रत्यक्ष ग्राहक संवादको भूमिका महत्वपूर्ण रहेको उल्लेख गर्दै वास्तविक प्रयोगकर्ताबाट प्राप्त प्रतिक्रियाका आधारमा स्वामित्व अनुभव सुधार गर्ने प्रतिबद्धता व्यक्त गरेको थियो।
साथै, बिक्रीभन्दा पर गएर नेपालमै केन्द्रित व्यावसायिक मोबिलिटी समाधान र दीर्घकालीन साझेदारी निर्माण गर्ने आफ्नो रणनीति पनि स्पष्ट पारेको छ। कम्पनीका अनुसार फोटोनको १५३ भन्दा बढी स्थानमा चार्जिङ नेटवर्क विस्तार भइसकेको छ भने धनगढी क्षेत्रमा पनि चार्जिङ पूर्वाधार थप विस्तार हुँदैछ।
यस कार्यक्रममार्फत फोटोनले धनगढीका ग्राहकसँग पारदर्शी संवाद, भरपर्दो सहयोग र दीर्घकालीन साझेदारीप्रतिको प्रतिबद्धता पुनः दोहोर्याएको जनाएको छ।
एमएडब्लू वृद्धि कमर्सियल भेहिकल्स प्रा. लि. नेपालमा फोटोन सवारीसाधनको आधिकारिक वितरक हो। कम्पनीले सुदृढ आफ्टर–सेल्स सेवा, विस्तार हुँदै गएको सर्भिस नेटवर्क तथा बढ्दो चार्जिङ पूर्वाधारमार्फत नेपाली बजारमा भरपर्दो व्यावसायिक मोबिलिटी समाधान उपलब्ध गराउँदै आएको छ।
प्रतिक्रिया दिनुहोस्