फेरि तीन लाख रुयैयाँ माथि उक्लियो सुन

काठमाडौं । स्थानीय बजारमा साताको पहिलो कारोबार दिन आइतबार सुनको मूल्य ह्वात्तै बढेर पुःन तीन लाख रुपैयाँ नाघेको छ। शुक्रबारको तुलनामा आइतबार दुवै धातुको मूल्य उकालो लागेको छ।

नेपाल सुनचाँदी व्यवसायी महासंघका अनुसार आज सुन प्रतितोला तीन लाख ५०० रुपैयाँ कायम भएको हो। यसअघि शुक्रबार (माघ २३) गते प्रतितोला दुई लाख ९१ हजार रुपैयाँमा कारोबार भएको सुन आज साढे नौ हजार रुपैयाँले बढेको हो। बिहीबार भने सुन प्रतितोला चार हजार दुई सय रूपैयाँले घटेको थियो ।

यस्तै, शुक्रबार तोलामा चार हजार सात सय १० रूपैयाँमा कारोबार भएको चाँदी आइतबार पाँच हजार १० रूपैयाँ निर्धारण भएको छ । अघिल्लो कारोबार दिनको तुलनामा चाँदी आज प्रतितोला ३०० रुपैयाँले बढेको हो।

अन्तर्राष्ट्रिय बजारमा आज सुन प्रतिऔंस चार हजार नौ सय ६७ अमेरिकी डलरमा कारोबार भइरहेको छ। शुक्रबार सुन चार हजार ८२८ डलर निर्धारण भएको थियो ।

 

प्रतिक्रिया दिनुहोस्