काठमाडौं । स्थानीय बजारमा आज सुनचाँदीको मूल्यमा सामान्य गिरावट आएको। मङ्गबारको तुलनामा आज सुन तोलामा एक हजार ५०० रुपैयाँले घट्दा चाँदी पनि पाँच रुपैयाँले सस्तिएको छ ।
नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य तीन लाख ४०० रुपैयाँ तोकिएको छ। साथै, त्यति नै परिमाणको चाँदीको मोल चार हजार ८८० रुपैयाँ निर्धारण भएको छ ।
हिजो मङ्गलबार एक तोला सुन तीन लाख एक हजार ९०० तथा एक तोला चाँदी चार हजार ८८५ रुपैयाँमा कारोबार भएको थियो । गत सोमबार एक तोला छापावाल सुनको मूल्य तीन लाख दुई हजार ८०० कायम हुँदा चाँदी प्रतितोला चार हजार ८६० रुपैयाँ पुगेको थियो।साताको पहिलो दिन आइताबार बजार खुल्दा सुन तीन लाख पाँच हजार ८०० र त्यति नै चाँदी चार हजार ९८५ रुपैयाँमा खरिदबिक्री भएको थियो ।
आज अन्तर्राष्ट्रिय बजारमा एक औँस सुन चार हजार ९२० डलर तथा त्यति नै परिमाणको चाँदी ७५ अमेरिकी डलरमा कारोबार भइरहेको छ ।
प्रतिक्रिया दिनुहोस्