काठमाडाैं । नेपाल राष्ट्र बैंकले चालु आर्थिक वर्ष २०८२-८३ को मौद्रिक नीतिको अर्धवार्षिक समीक्षा आज मंगलबार सार्वजनिक गर्ने तयारी गरेको छ। मौद्रिक नीति तर्जुमा कार्यविधि २०७३ बमोजिम हरेक त्रैमास सकिएको ४५ दिनभित्र समीक्षा ल्याउनुपर्ने प्रावधानअनुसार राष्ट्र बैंकले यो समीक्षा सार्वजनिक गर्न लागेको हो।
आगामी फागुन २१ गते हुने प्रतिनिधिसभा सदस्य निर्वाचनका कारण निर्वाचन आचारसंहिता लागु भइसकेको अवस्थामा आउन लागेको यो समीक्षालाई अर्थतन्त्र र बैंकिङ क्षेत्रले निकै चासोका साथ हेरेको छ।
यसपटक नीतिगत व्यवस्थामा ठूलो फेरबदल हुने सम्भावना कम देखिएको छ। समीक्षाले निजी क्षेत्रको खस्किएको मनोबल उकास्न र बैंकहरूको लगानी क्षमतालाई सक्रिय बनाउन कस्तो भूमिका खेल्छ भन्ने विषयमा चासो छ।
प्रतिक्रिया दिनुहोस्