काठमाडौं। सामसुङ इलेक्ट्रिकले आफ्नो ग्यालेक्सी इनोभेसनको अर्को अध्याय सार्वजनिक गर्न ‘Galaxy Unpacked 2026’ कार्यक्रम घोषणा गरेको छ। अत्यन्तै प्रतीक्षित उक्त कार्यक्रम २५ फेब्रुअरी २०२६ मा राति ११:४५ बजे विश्वव्यापी रूपमा प्रत्यक्ष स्ट्रिमिङ मार्फत प्रसारण गरिने कम्पनीले जनाएको छ।
कम्पनीका अनुसार यस वर्षको Unpacked कार्यक्रममा मोबाइल प्रविधिमा भएका नवीनतम प्रगतिहरू प्रदर्शन गरिनेछन्। विशेषगरी प्रयोगकर्ताको दैनिक जीवनलाई सहज बनाउने उद्देश्यले डिजाइन गरिएका बुद्धिमान, AI–समर्थित अनुभवहरू कार्यक्रममा केन्द्रमा रहनेछन्।
‘Galaxy Unpacked’ सधैं नयाँ प्रविधि र आविष्कार सार्वजनिक गर्ने प्रमुख मञ्चका रूपमा चिनिँदै आएको छ। यसपटक पनि अत्याधुनिक डिजाइन, शक्तिशाली प्रदर्शन क्षमता तथा स्मार्ट इकोसिस्टम इंटिग्रेशनमार्फत ब्रान्डले आफ्नो परम्परा निरन्तरता दिने विश्वास व्यक्त गरेको छ।
लन्चबारे टिप्पणी गर्दै Samsung MX डिभिजनका डाइरेक्टर प्रणय रत्न स्थापितले भने, “Galaxy Unpacked ले हाम्रो अर्थपूर्ण नवप्रवर्तनप्रतिको प्रतिबद्धता झल्काउँछ, जसले दैनिक जीवनलाई अझ सहज बनाउँछ। यस लन्चमार्फत हामी यस्तो प्रविधि प्रस्तुत गर्न उत्साहित छौं, जुन केवल शक्तिशाली मात्र नभई प्रयोगकर्ताको आवश्यकतासँग बुद्धिमानीपूर्वक अनुकूलन हुन्छ र उनीहरूको अनुभवलाई अझ व्यक्तिगत, जोडिएको र सहज बनाउँछ।’
उक्त कार्यक्रम प्रत्यक्ष स्ट्रिमिङमार्फत नेपालसहित विश्वभरका दर्शकले हेर्न सक्नेछन्। यसले प्रविधि प्रेमीहरूलाई Galaxy नवप्रवर्तनको भविष्य प्रत्यक्ष रूपमा अवलोकन गर्ने अवसर प्रदान गर्ने अपेक्षा गरिएको छ।
प्रतिक्रिया दिनुहोस्