Advertisement
Advertisement
Corporate Samachar
६ मंसिर २०८३, आईतवार
Advertisement
Advertisement

कात्तिक २३ यता सुनको मूल्य ४२ हजार रुपैयाँले घट्यो, चाँदी पनि सस्तियो

कात्तिक २३ यता सुनको मूल्य ४२ हजार रुपैयाँले घट्यो, चाँदी पनि सस्तियो
विज्ञापन
Advertisement

काठमाडौं। नेपाली बजारमा सुनचाँदीको मूल्य घट्ने क्रमले आइतबार पनि निरन्तरता पाएको छ। यो साताको पहिलो कारोबार दिन सुनको मूल्य प्रतितोला २ हजार ८०० रुपैयाँले घटेको छ भने चाँदी पनि सस्तिएको छ ।

विज्ञापन
Advertisement
Advertisement

नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला २ लाख ४२ हजार ४०० रुपैयाँ कायम भएको छ। यसअघि शुक्रबार सुन प्रतितोला २ लाख ४५ हजार ४०० रुपैयाँमा कारोबार भएको थियो । पछिल्ला केही कारोबार दिनदेखि सुनको मूल्यमा तीव्र गिरावट देखिएको छ। शुक्रबार मात्रै सुनको मूल्य प्रतितोला १२ हजार २०० रुपैयाँले घटेको थियो । त्यसअघि बिहीबार प्रतितोला २ लाख ५७ हजार ६०० रुपैयाँ, बुधबार २ लाख ६० हजार ९०० रुपैयाँ र मंगलबार २ लाख ६७ हजार २०० रुपैयाँमा सुनको कारोबार भएको थियो ।

मंगलबारको तुलनामा आइतबारसम्म सुनको मूल्य प्रतितोला २४ हजार ८०० रुपैयाँले घटिसकेको छ । तिहारपछि निरन्तर ओरालो लागेको सुनको मूल्य पछिल्ला दिनमा थप तीव्र रूपमा घटेको देखिन्छ । तिहारअघि अर्थात् कात्तिक २३ गते सुन प्रतितोला २ लाख ८४ हजार ३०० रुपैयाँमा कारोबार भएको थियो। त्यसयता आइतबारसम्म आइपुग्दा सुनको मूल्य प्रतितोला ४१ हजार ९०० रुपैयाँले घटेको छ।

यसैगरी, चाँदीको मूल्यमा पनि गिरावट आएको छ । महासंघका अनुसार आइतबार चाँदी प्रतितोला ३ हजार ६५ रुपैयाँमा कारोबार भइरहेको छ । शुक्रबार चाँदीको मूल्य प्रतितोला ३ हजार ११० रुपैयाँ थियो । यसअघि बिहीबार चाँदी प्रतितोला ३ हजार ३३५ रुपैयाँ, बुधबार ३ हजार ३८० रुपैयाँ र मंगलबार ३ हजार ४९० रुपैयाँमा कारोबार भएको थियो । मंगलबारको तुलनामा आइतबारसम्म चाँदीको मूल्य प्रतितोला ४२५ रुपैयाँले घटेको छ । पछिल्ला दिनमा सुनचाँदी दुवैको मूल्यमा आएको तीव्र गिरावटले नेपाली बजारमा बहुमूल्य धातुको खरिदबिक्री समेत बढेको छ।

साझा: Facebook X WhatsApp Telegram
कर्पोरेट समाचार

कर्पोरेट समाचार

सबै लेख हेर्नुहोस्
विज्ञापन
Advertisement
Advertisement

Powered By: Nectar Digit