दोधाराचाँदनी (कञ्चनपुर)। कञ्चनपुरको दोधाराचाँदनीमा श्रीमानकाे कुटपिटबाट एक महिलाको मृत्यु भएको छ।
जिल्ला प्रहरी कार्यालय कञ्चनपुरका प्रमुख प्रहरी उपरीक्षक टेकबहादुर रावतका अनुसार दोधाराचाँदनी नगरपालिका निवासी ४२ वर्षीया पारु सुनारको उनका ४५ वर्षीय श्रीमान् रणबहादुर सुनारको कुटपिटबाट मृत्यु भएको हो।
कुटपिटबाट घाइते भएका दुवै जनालाई बुधबार उपचारका लागि दोधाराचाँदनी नगर अस्पताल लगिएको थियो। उपचारका क्रममा पारुको मृत्यु भएको प्रहरीले जनाएको छ।
घटनामा संलग्न रणबहादुरलाई प्रहरीले नियन्त्रणमा लिई घटनाबारे थप अनुसन्धान अघि बढाएको छ।
प्रतिक्रिया दिनुहोस्