सामसङ नेपालको दशैं–तिहार अफर : क्यासब्याकसँगै दैनिक र साप्ताहिक भाग्यशाली उपहार जित्ने मौका

काठमाडौं । सामसङ नेपालले दशैं तथा तिहारलाई लक्षित गर्दै आफ्ना टेलिभिजन तथा घरायसी विद्युतीय उपकरणमा ‘घरमा स्मार्ट अपग्रेड, चाडमा भाग्यशाली सरप्राइज’ विशेष अभियान सार्वजनिक गरेको छ। सेप्टेम्बर २० देखि नोभेम्बर १६, २०२६ सम्म सञ्चालन हुने अभियानअन्तर्गत ग्राहकहरूले सामसङका टेलिभिजन, फ्रिज, वासिङ मेसिन तथा एसी खरिद गर्दा आकर्षक नगद फिर्ता, निःशुल्क पक्का उपहार र भाग्यशाली उपहार योजनामार्फत पुरस्कार जित्ने अवसर प्राप्त गर्नेछन्।

अभियानअन्तर्गत सामसङका उपकरण खरिद गर्ने ग्राहकले आफ्नो खरिद दर्ता गरी दैनिक तथा साप्ताहिक भाग्यशाली उपहार योजनामा सहभागी हुन सक्नेछन्। कम्पनीका अनुसार दैनिक योजनामा ३१ जना विजेता छनोट गरिनेछ। दैनिक विजेताले खरिद गरेको सामानअनुसार सामसङको ९ केजी क्षमताको अगाडिबाट खोलिने वासिङ मेसिन वा ५५ इन्चको अल्ट्रा एचडी टेलिभिजनमध्ये एक पुरस्कार जित्ने अवसर पाउनेछन्।

त्यसैगरी, साप्ताहिक भाग्यशाली उपहार योजनामार्फत आठ जना विजेताले सामसङको एक टन क्षमताको एसी जित्न सक्नेछन्। दैनिक तथा साप्ताहिक विजेताको घोषणा हरेक बुधबार इमेज च्यानलबाट प्रसारण हुने ‘म्युजिक अफ योर च्वाइस’ कार्यक्रममा गरिने कम्पनीले जनाएको छ। विजेताको सूची स्मार्ट प्लाजा र बिग डिजिटलका फेसबुक पेजमा समेत सार्वजनिक गरिनेछ।

अभियानमा सहभागी हुन ग्राहकले अभियान अवधिभित्र सामसङको टेलिभिजन, फ्रिज, वासिङ मेसिन वा एसी खरिद गर्नुपर्नेछ। त्यसपछि खरिद गरिएको उपकरणको पछाडि राखिएको स्टिकरमा उल्लेखित १४ अंकको क्रम संख्या प्रयोग गरी उदाहरण: Samsung XXXXXXXXXXXXXXX)

क्ब ढाँचामा ३७२७३ नम्बरमा एसएमएस पठाउनुपर्नेछ। एसएमएस पठाएपछि ग्राहकले तुरुन्तै एसएमएसमार्फत पुष्टि प्राप्त गर्नेछन्।

दैनिक भाग्यशाली उपहार योजनामा टेलिभिजन खरिद गर्ने ग्राहकले ९ केजी क्षमताको अगाडिबाट खोलिने वासिङ मेसिन जित्ने अवसर पाउनेछन् भने वासिङ मेसिन, फ्रिज वा एसी खरिद गर्ने ग्राहकले ५५ इन्चको अल्ट्रा एचडी टेलिभिजन जित्न सक्नेछन्। साप्ताहिक योजनामा टेलिभिजन, फ्रिज, वासिङ मेसिन तथा एसी खरिद गर्ने ग्राहकलाई एक टन क्षमताको एसी पुरस्कार जित्ने अवसर दिइनेछ।

सामसङ नेपालले भाग्यशाली उपहार योजनासँगै विभिन्न टेलिभिजन तथा घरायसी विद्युतीय उपकरणमा आकर्षक नगद फिर्ता, पुरानो सामान साट्दा थप रकम र निःशुल्क उपहारको व्यवस्था गरेको छ। अभियानअन्तर्गत टेलिभिजनमा २६ प्रतिशतसम्म, फ्रिजमा २१ प्रतिशतसम्म र वासिङ मेसिनमा १८ प्रतिशतसम्म नगद फिर्ता उपलब्ध हुने कम्पनीले जनाएको छ।

टेलिभिजन खरिदमा निःशुल्क साउन्डबार तथा छनोट गरिएका मोडलमा १२ महिनासम्म निःशुल्क नेटटीभी प्याकेज उपलब्ध हुनेछ। फ्रिजमा पाँच हजार रुपैयाँसम्मको पुरानो सामान साट्दा थप रकम र वासिङ मेसिनमा तीन हजार रुपैयाँसम्मको साटफेर बोनसको व्यवस्था गरिएको छ। त्यस्तै, छनोट गरिएका वासिङ मेसिनका मोडलमा निःशुल्क ६ केजी सर्फ एक्सेल म्याटिक डिटर्जेन्टसमेत उपलब्ध हुनेछ।

ग्राहकलाई सामसङका नयाँ उपकरण खरिद गर्न सहज बनाउने उद्देश्यले हुलास फिनसर्भ हायर पर्चेज लिमिटेडमार्फत सञ्चालित सामसङ इन्स्टा फाइनान्स सेवाबाट १२ महिना वा २४ महिनाको मासिक किस्ताबन्दी योजनामा उपकरण खरिद गर्न सकिने व्यवस्था गरिएको छ।

त्यसैगरी, पुराना उपकरण नयाँ सामसङ घरायसी विद्युतीय उपकरणसँग साट्न चाहने ग्राहकले अर्कोस्टोर वा नेपालभरका अधिकृत सामसङ खुद्रा पसलमार्फत साटफेर सुविधा लिन सक्नेछन्। कम्पनीले अभियान सीमित अवधिका लागि मात्र सञ्चालन हुने र सबै अफरमा तोकिएका सर्त तथा नियम लागू हुने जनाएको छ।

अफर, मोडलअनुसारको नगद फिर्ता, उपहार तथा साटफेर सुविधाबारे विस्तृत जानकारी लिन ग्राहकले नजिकको अधिकृत सामसङ पसलमा सम्पर्क गर्न सक्नेछन्।