काठमाडौं । हङकङमा जारी चारदेशीय ट्वान्टी–२० शृंखलाको फाइनलमा कुवेतले नेपाललाई १७५ रनको दिएको छ ।
हङकङको मोङ कोकमा जारी खेलमा टस हारेर ब्याटिङमा आएको कुवेतले निर्धारित २० ओभरमा सात विकेट गुमाएर १७४ रन बनाएको हो ।
कुवेतका लागि ओपनर रविजा सन्द्रावरुनले आक्रामक ब्याटिङ गर्दै ६३ रन बनाए । अर्का ओपनर क्लिन्टो आन्टोले १४ बलमा एक चौका र तीन छक्कासहित २६ रन थपे । यी दुईबीचको पहिलो विकेटका निम्ति ४९ रनको साझेदारीलाई तोड्न नेपालका नन्दन यादवले ब्रेक थ्रु दिलाए । यस्तै, उस्मान पटेलले २३ रन जोड्दा मित भावसरले १६ र कप्तान मोहम्मद अस्लामले १३ रन जोडे ।
नेपालका नन्दन यादव र सोमपाल कामीले समान दुई विकेट लिदा कुशल भुर्तेल र करण केसीले समान एक विकेट हात पारे ।
प्रतियोगितामा नेपाली टिम अपराजित छ । लिग चरणबाट शीर्ष स्थानमा रहँदै फाइनलमा आएको नेपालले तीन खेलबाट पाँच अंक जोडेको थियो ।
प्रतिक्रिया दिनुहोस्