काठमाडौं । पछिल्लो समय सेयर बजारमा घट्दो कारोबारले आज पनि निरन्तरता पाएको छ ।
आइतबार साताको पहिलो कारोबार दिन नेपाल स्टक एक्सचेन्ज (नेप्से) परिसूचक ३ अंकले घटेर २६०८.०७ विन्दुमा बन्द भएको छ । अघिल्लो साता लगातार पाँच कारोबार दिन समेत नेप्से घटेको थियो ।
आज नेप्सेमा कुल ८ अर्ब बढीको कारोबार भएको छ । ३०९ कम्पनीको १ करोड ६९ लाख कित्ता सेयर किनबेच हुँदा ८ अर्ब ५० करोड रुपैयाँ बढीको खरिद–बिक्री भएको हो ।
आज १०० कम्पनीको सेयर मूल्य बढ्दा १४५ कम्पनीको मूल्यमा गिरावट आएको छ । एउटा कम्पनीको सेयर मूल्य भने स्थिर रह्यो ।
कारोबार भएका मध्ये सबैभन्दा धेरै नेपाल रिइन्स्योरेन्स कम्पनीको ७० करोड रुपैयाँ भन्दा बढीको सेयर खरिद –बिक्री भएको छ ।
यस्तै, लक्ष्मी लघुवित्त वित्तीय संस्थाको सेयर मूल्य स्थिर रहँदा आज ओम मोगाश्री फर्मास्युटिकल्सको सेयर मूल्य १० प्रतिशत र छ्याङ्दी हाइड्रोपावरको सेयर मूल्य ९.९९ प्रतिशतले बढेको छ । कर्पोरेट डेभलपमेन्ट बैंकको सेयर मूल्य ८.७१ प्रतिशतले घटेको छ ।
कारोबारमा आएका १३ मध्ये होटेल तथा पर्यटन १.११ प्रतिशत, माइक्रोफाइनान्स ०.२७ र ‘अन्य’ समूहको परिसूचक ४.१९ प्रतिशतले बढेको नेप्सेले जनाएको छ ।
प्रतिक्रिया दिनुहोस्