सिटिजन्स बैंकको आर्थिक सहयोगमा शव दाह गृह निर्माण हुने

काठमाडौं । सिटिजन्स बैंक इन्टरनेसनल लिमिटेडले शव दाह गृह निर्माणका लागि आर्थिक सहयोग प्रदान गरेको छ ।

बैंकले लुम्बिनी प्रदेशको बाँके जिल्लास्थित कोहलपुर नगरपालिका–११ मा कोहलपुरको दुदुवा र रोहिणी नदीको संगममा निर्माणाधीन शव दाह गृहका लागि आर्थिक सहयोग गरेको हो । उक्त सहयोगले स्थानीय बासिन्दालाई परम्परागत दाह संस्कारको तुलनामा सुलभ, सुरक्षित र वातावरणमैत्री विकल्प प्रदान गर्ने लक्ष्य बैंकको छ ।

बैंकका प्रमुख कार्यकारी अधिकृत गणेशराज पोखरेलले एक औपचारिक समारोहका बीच सहयोग हस्तान्तरण गरेका छन् ।तर, सहयोग रकम भने खुलाइएको छैन। समारोहमा सम्बोधन गर्दै पोखरेलले सामाजिक हितका कार्यमा सहभागी हुन पाएकोमा खुशी व्यक्त गरे । उनले यस्ता कार्यले समाजमा सकारात्मक प्रभाव पार्ने विश्वास व्यक्त गरे ।

बैंकले आगामी दिनमा समेत सामाजिक रूपान्तरणमा योगदान पुर्याउने यस्ता कार्यलाई निरन्तरता दिने जनाएको छ ।

 

प्रतिक्रिया दिनुहोस्