काठमाडौं । यामाहा नेपालले देशभरका उत्कृष्ट प्रविधिकहरूबीच प्रतिस्पर्धा गराउँदै नेसनल सर्भिस स्किल कन्टेस्ट २०८२’ काठमाडौंस्थित तालिम केन्द्रमा भव्य रूपमा सम्पन्न गरेको छ।
देशका विभिन्न क्षेत्रीय चरण पार गरेर आएका प्रतिभागीहरूलाई समेटिएको यो प्रतियोगितामा प्रविधिक परीक्षण, यान्त्रिक मूल्याङ्कन, समस्याको पहिचान, लिखित परीक्षा र भाइभासमेत समावेश गरिएको थियो।
प्रतियोगितामा बी एन्ड बी अटो ट्रेडर्स, बिराटचोकका सुकदेव कुमार माझी विजेता बने भने तिरुपति अटो प्यालेस, विराटनगरका रोनित श्रेष्ठ प्रथम उपविजेता र जेएस अटोमोबाइल्स, सतुंगलका सागर त्वाती तथा जीएसएस ट्रेडर्स, लम्कीका विनोद चौधरी संयुक्त दोश्रो उपविजेता घोषित भए।
एमएडब्लु राइड्सका सीईओ दीपक कुमार अग्रवालले दक्ष जनशक्तिको भूमिकालाई सम्मान गर्दै यामाहाको सफलताको आधारभूत तत्व उनीहरू नै रहेको बताए। यामाहाले प्रविधि, तालिम र सेवामा लगानी गर्दै उत्कृष्टता सुनिश्चित गर्ने प्रतिबद्धता दोहोर्याएको छ।
प्रतिक्रिया दिनुहोस्