कर्पोरेट समाचार 
काठमाडौं । कुमारी बैंक लिमिटेड र गुर्जुधारास्थित भेइकल एकेडेमी एण्ड रिसर्च सेन्टर प्रा.लि.(गुर्जुधारा ट्रायल सेन्टर) बीच सेवा छुट सम्बन्धमा सम्झौता भएको छ ।
कुमारी बैंक लिमिटेडका ग्राहकवर्गलाई अब एकेडेमीबाट प्रदान गरिने सेवाहरुमा विशेष छुट प्रदान गर्ने गरी सम्झौता भएको हो । सम्झौता अनुसार सवारी चालक अनुमतीपत्रको प्रयोगात्मक परीक्षा (ट्रायल) का लागि रिसर्च सेन्टर प्रा.लिले सञ्चालन गर्दै आएको गुर्जुधारा ट्रायल सेन्टरमा उपलब्ध सम्पूर्ण ड्राइभिङ्ग कोर्सहरुमा कुमारी बैंकका ग्राहकले १५ प्रतिशत छुट पाउँछन् ।
विगत २४ वर्ष देखि निरन्तर बैंकिङ्ग सेवा दिँदै आएको कुमारी बैंकले आफ्ना ग्राहकहरुको सुविधाको लागि विभिन्न क्षेत्रका व्यवसायिहरुसँग समन्वयन गरि छुट तथा किस्ताबन्दीका सुविधाहरु उपलब्ध गराउँदै आएको छ ।
बैंकले देशभर रहेका ३०२ शाखा सञ्जाल, ३१८ एटिएम, ५० एक्सटेन्सन काउन्टर तथा ५४ शाखा रहित बैंकिङ्ग ईकाईहरु मार्फत आफ्ना ग्राहकवर्गलाई प्रभावकारी बैंकिङ्ग सेवाहरु प्रदान गर्दै आइरहेको छ ।
प्रतिक्रिया दिनुहोस्