काठमाडौं । ग्लोबल आइएमई बैंकले १९औँ वार्षिक साधारण सभा बोलाएको छ । बैंकले कात्तिक २६ गते नेपाल प्रज्ञा प्रतिष्ठान कमलादी, काठमाडौंमा साधारण सभा डाकेको हो ।
साधारण सभाबाट गत आर्थिक वर्षको मुनाफाबाट शेयरधनीहरुलाई वितरण गर्न घोषणा गरेको लाभांश पारित हुनेछ । यस्तै, सभाले हाल कायम चुक्ता पूँजीको ८ प्रतिशतका दरले नगद लाभांश (कर प्रयोजनार्थ सहित) वितरण गर्ने प्रस्ताव पारित गर्नेछ ।
साथै साधारण सभाबाट प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पनि पारित गर्ने जनाइएको छ । साधारण सभा तथा लाभांश वितरण प्रयोजनार्थ बैंकले कात्तिक १६ गते एक दिनका लागि बुकक्लोज गर्ने निणर्य पनि गरेको छ।
यो सँगै कात्तिक १३ गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा सहभागिता जनाउन तथा बैंकले वितरण गर्ने लाभांश पाउनेछन् ।
प्रतिक्रिया दिनुहोस्