काठमाडौं । ग्लोबल आइएमई बैंक लिमिटेड लगातार दोस्रो पटक नेपालको उत्कृष्ट बैंक घोषित भएको छ ।
अन्तर्राष्ट्रिय वित्तीय प्रकाशन ग्लोबल फाइनान्स म्यागेजिनले यस बैंकलाई लगातार दोस्रो पटक ‘द बेस्ट बैंक इन नेपाल’को उपाधि प्रदान गरेको हो । यो सम्मान बैंकले वित्तीय सेवा, ग्राहकको सन्तुष्टि, नवीन प्रविधिको प्रयोग तथा समग्र बैंकिङ क्षेत्रको विकासमा पु¥याएको योगदानको कदर गर्दै प्रदान गरिएको बैंकका अध्यक्ष चन्द्र प्रसाद ढकालले जानकारी दिए ।
उनले आफ्नो सामाजिक सञ्जालमा लेखेका छन,‘गौरव र खुशीको यस अवसरमा नेपाल सरकार, नियामक निकायहरू, आदरणीय ग्राहक, समर्पित कर्मचारी तथा शुभेच्छुकहरूप्रति हार्दिक आभार व्यक्त गर्दछु । तपाईंहरूको विश्वास, साथ र सहयोगले नै बैंकलाई निरन्तर सफलता हासिल गर्न प्रेरणा दिएको छ ।’
आगामी दिनहरूमा पनि ग्राहकमैत्री सेवा विस्तार, नवप्रवर्तन र वित्तीय पहुँच वृद्धि गर्ने प्रतिबद्धता उनले व्यक्त गरेका छन् । ग्लोबल आइएमई बैंकले पछिल्ला वर्षहरूमा देशव्यापी शाखा सञ्जाल विस्तार गर्दै डिजिटल बैंकिङ प्रवद्र्धनमा उल्लेखनीय प्रगति हासिल गरेको छ । यस मान्यताले बैंकको अन्तर्राष्ट्रिय स्तरमा प्रतिष्ठा अझ मजबुत बन्दै गएको अध्यक्ष ढकालको भनाइ छ ।
प्रतिक्रिया दिनुहोस्